قصيدة /// ناسي عنواني /// للشاعر عامر عبده عامر
ناسي عنواني
يا أبو قلب غدار و أنانى
ازاي تتوه عن عنواني
وتعدي على شارع ثاني
ما كانش يخطر على بالي
ولا عمري أتصور في خيالي
أن أنت أوام كده تنساني
بسببك أتهد كيانى
يا خساره شوقي وحناني
وخساره حبي اللي كواني
شربت المر أنا ل كعانى
خليتني أشيب قبل أوانى
ضاعت الفرحه اللي في بالي
راحت وكثرت أحزانى
حبيبي اللي بحبه
ازاي يتوه عن عنواني
جريمه وجنايه في حقه
نويت خلاص بقى من بكره
أقلل حبي وأشواقى
وقلبي هغسله على فكره
و أعتبرك أنت من الذكرى
لو كنت باقي على حبي
كنت كتبته علشانى
لكن خلاص ما لناش خاطر
عشان كده ما انتاش فاكر
عملنا كتير علشانك
وللجميل دايما ناكر
تاني هكتب لك اسمي وعنواني
ولما اشوف امتى تذاكر
وابقى تعالى وانساه تاني
الشاعر / عامر عبده عامر مصر
