قصيدة /// مصر أم الدنيا /// للشاعر د.عمر عبدالجواد عبد العزيز
...(( مصر أم الدنيا ))....
مصر يا أم الدنيا
إيدك ع الكل حانية
لو حد فكر يأذيكي
علي روحه صارت جانية .....
مصر يا أغلي البلاد
أهلك زينة العباد
بيغنوا باسمك للولاد
إيد ماسكة السلاح
و الثانية بانية ....
مصر عربية حرة
بين الشعوب شعبك درة
اللي يكرهك يطلع بره
ما يقعد فيكي ثانية ..
مصر يا رمز الطيبة
ما نعرف أبداّ عيبه
في الشباب و الشيبة
لعيونك الدنيا فانية ....
مصر يا عز العرب
يا أرض الأزهر و الطرب
بيكي المثل انضرب
في الشهامة أغنية ....
مصر يا مجدي يعقوب
جراح عالمي القلوب
إبنك ما يبات مغلوب
روحه علي كفه دانية....
مصر يا هبة النيل
ميته تشفي العليل
و ابنك أحمد زويل
صاحب نوبل عالمية....
مصر يا ام كلثوم
يا أصل كل العلوم
و الهرم فيكي بيدوم
شاهد حضارة فرعونية...
مصر يا أصل الكون
الروح لعيونك تهون
إبنك أبدا ما يخون
العروبة في دمه قومية.....
★★★★★★★★★
د عمر عبد الجواد عبد العزيز
